వినుడు మా ఆనందము వివరించెదము
జనులార మాకదే చాలు చాలు
హరియేమి యిచ్చినా ఆనందము మాకు
హరియేమి గైకొన్న ఆనందము
హరేరామ యనుటయే ఆనందము మాకు
హరేకృష్ణ యనుటయే ఆనందము
హరినామధ్యానమే ఆనందము మాకు
హరిపాదసేవనమే ఆనందము
హరిని కీర్తించుటే ఆనందము మాకు
హరిని భావించుటే ఆనందము
హరిభక్తుల దర్శనమే ఆనందము మాకు
హరిభక్తుల జేరుటే ఆనందము
హరిభక్తుల పొగడుటే ఆనందము మాకు
హరిభక్తుల గొల్చుటే ఆనందము
