సత్యము సత్యమిది జానకిరామ
ధనమున్నదని మదము తలకెక్కని వారు
ధనములేదని చింత దాల్చనివారు
ధనముల కితరులకు తలవంచని వారు
ధనమన్న సద్భక్తి ధనమను వారు
పరులు మెచ్చిరేని గర్వపడకుండెడి వారు
పరులు మెచ్చరేని చింతపడని వారు
పరులను సేవించి బ్రతుకకుండు వారు
హరిసేవయే పరమార్ధమను వారు
పామరులను కూడ భావించని వారు
పామరులు తిట్ట చింతపడని వారు
కామాదులయం దరతి కలిగినట్టి వారు
రామనామభజనారతి గల వారు
