పొగడరేలనో మీరు బుధ్ధిమంతులారా
జగదీశుని రాముని చక్కగ మనసారా
పొగడెద రేలా మీరు బుధ్ధిహీనులను తుళువ
లగు వారి సి‌‌రులపై యాశతో ననిశమును
పొగడితే హరి మీకు తగు ధనము లీయడా
పగవాడా యేమి యీ భగవంతుడు
పొగడెద రేలా మీరు పొలతికల మూన్నాళ్ళ
సొగసులను వెఱ్ఱులై చోద్యంబుగా దోచు
జగమున హరి కంటెను సొగసరు లున్నారా
పొగడితే రామునే పొగడవలయును
పొగడెద రేలా స్వల్ఫభోగములను దేవతల
నగచాట్లు పడుచు జపయాగాదుల నెఱపుచు
తగినసౌఖ్యము లడుగ తగునుగా దైవమునే
భగవంతునితో మీకు పంతమున్నదా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.