రామ రామ అంటే చాలదా నీకు శ్రీ
రాముని దయ ఉంటే చాలదా
నానాయోనులను బుట్టి నానాయాతనలు పడి
యీనాటికి మనిషివైతి వింతే చాలదా నీకు
మానవజన్మము సద్వినియోగ మైతే అంతే చాలదా
నీనోటిగూటి చిలుక నియతముగ ప్రేమతో
మరలమరల యిటువలెనే మనిషిజన్మ దొరుకునా
మరల దొరకినను బుధ్ధిమంతుడవే యదుదువా
హరిపై గురి కుదిరిన దిప్పుడు అహా అంతే చాలదా
నిరంతరము జీవుడా నీవెంతో ప్రేమతో
కుదిరిన గురి కుదిరినట్లె కుదురుగా నుండగా
మదిలో శ్రీరామునిపై మమత మాయ కుండగా
నిదురను గూడ రాముని నామము వదల కుండిన చాలదా
సదమలచిత్తమున నెప్పుడు చక్కగా ప్రేమతో
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.