రామతత్త్వ మనగ నేమి శ్యామలరాయా శ్రీ
రామతత్త్వ మంటే పరబ్రహ్మ తత్త్వమే
పిల్లికి బిడాల మనే విధ మిదయ్యా కాస్త
వెల్లడించ వయ్య అసలు విషయ మేమిటో
ముల్లోకంబులును ప్రకృతి మూటను కలవు ఆ
ముల్లె పరబ్రహ్మము మూపున కలదు
ప్రకృతి లోనె నామరూపాదులు కలవు ఆ
ప్రకృతి కవలి బ్రహ్మమునకు పట్టవట్టివి
ప్రకృతిజనుల కెట్లు తెలియు బ్రహ్మము గూర్చి ఈ
ప్రకృతి లోని కా బ్రహ్మము వచ్చు నందుకే
వచ్చె నట్లు రాముడై బ్రహ్మ మొకపరి అట్లు
వచ్చిన ఆ రాముని పరమతత్త్వమే
అచ్చమైన బ్రహ్మతత్త్వ మని యెరుగుటయే తా
ముచ్చటగా రామతత్త్వమును యెరుంగుట
రిప్లయితొలగించండిరాముడు మానవుడు. రామతత్త్వం సామాన్యులకు తెలిసేలా చెప్పమని వినతి.
సామాన్యులకు తెలిసేలాగే ఉందని అనుకుంటాను. ఎందుకంటే ఇది అనుకోకుండా ఒక పల్లెటూరి మధ్యవయసు స్త్రీకి వినిపించాను ఈనాడు. ఆమె ఆట్టే చదువుకో లేదట. ఆమె విని అర్ధమైనదని అన్నది. ఆమె కుమార్తెయో కోడలో మరొక అమ్మాయి ఆవిడతో ఉన్నది - చదువుకున్నవ్యక్తిలాగే ఉంది. ఆమె కూడా చక్కగా అర్ధమైనదని అన్నది.
తొలగించండిఇకపోతే రాముడు మానవుడు అని ముక్తసరిగా తేల్చేసారు! ఆయన ప్రాకృత మానవమాత్రుడు ఐతే అయన గురించి రామాయణమహాకావ్యం వెలిసేది కాదు. అది కాలానికి నిలిచి దేశదేశాల ప్రజల మనస్సుల్లోనూ నేటికీ నిలచి యుండేదీ కాదు.
అదీ‌కాక ఇది ఆధ్యాత్మిక కవిత్వం‌తో నడుస్తున్న వ్యవహారం. రామకీర్తబలు అనగానే విషయం స్పష్టం. ఈ‌కీర్తన ఆకోణంలోనే వెలువడింది.
ఇకపోతే రాముడు ఆదర్శమానవుడు అన్నదానిలో విప్రతిపత్తి లేదు. ఆకోణంలో కూడా ఒక కీర్తన వస్తుందేమో. కాలమే చెప్పాలి. రాముడు వ్రాయిస్తే తప్పక వస్తుంది. అందాకా సరదాగా అరుద్రగారి అద్భుత సృష్టి అందాల రాముడు ఎందువలన దేవుడు అన్న పాటను విందాం.
ఏమంటారు?