నీవే నా ప్రాణేశ్వరుండవు
నరుడవు కమ్మని నను పనిచితివి
కరుణామయ నే కాదనగలనా
నిరుపమానుడ నిను పొగడుటకై
నరలోకములో తిరుగుచుంటిని
నిను మరిచిన దిన మనునది కలదా
నిను పొగడని దిన మనునది కలదా
దినకరవరకుల తిలక నీవే
మనసున నెరుగుదు వని తలచెదను
జననుత రామా జగదభిరామా
దనుజవిరామా తరచుగ నిటులే
మనుజుడ నగుచు మరి నిను పొగడుచు
మన నెయ్యమును మరువక యుందును
జై శ్రీమన్నారాయణ
రిప్లయితొలగించండిమీ పోస్టులు రెగ్యులర్ గా చూస్తుంటాను. చక్కటి పదాలతో ఎంతో హృద్యంగా ఉంటున్నాయి. హృదయపూర్వక ధన్యవాదాలండి 🙏
రిప్లయితొలగించండిధరిత్రీదేవి గారూ, చాలా సంతోషమండీ. మిమ్మల్ని రాముడు చల్లగా చూచు గాక!
తొలగించండి