ముక్తి కావలయును ముక్తి నెవ్వరిత్తురు
ముక్తి దేవుడిచ్చును పోయి వాని వేడుము
ముక్తినిచ్చు దేవుడెవరొ ముందుగా తెలుపుడీ
శక్తి కొలది యతని దెల్పు శాస్త్రముల జదివెద
యుక్తియుక్త మన్నటులే యున్నది నీమాట కాని
ముక్తినిచ్చు వాడు శాస్త్రములకు దొరుకబోడు
ముక్తినిచ్చు దేవుడెవరొ ముందుగా తెలుపుడీ
శక్తి కొలదిగా పూజలు సాగించు నతనికై
యుక్తియుక్త మన్నటులే యున్నది నీమాట గాని
ముక్తినిచ్చు వాడు నీపూజలకు దొరుకబోడు
ముక్తినిచ్చు దేవుడెవరొ ముందుగా తెలుపుడీ
శక్తి కొలది వాని మంత్రజపము చేయుదు నేను
యుక్తియుక్త మైన రీతి నున్నది నీమాట నీవు
శక్తికొలది రామనామ జపము చేయుమా యిక
రిప్లయితొలగించండిమనకి మనం వేసుకున్న సంకెళ్ళని తెలియక బాధ. తెలిసినా తొలగించుకోలేక వ్యధ. మాయ విష్ణుమాయ.
భ్రాంతి లో ఉన్నవాడు ఎవరో కొట్టేశారు బాబో అని గింజుకుంటాడు. వాతలు పెట్టారు మంటగా ఉందని ఎగురుతూ ఉంటాడు. ఎదుటి లేని పామునో శత్రువునో చూసి కేకలు వేస్తుంటాడు. నిత్యశుధ్ధుడు, నిత్యానందమయుడు ఐనా జీవుడు మాయ చేత లేని బంధాలనూ లేని బాధలనూ గురించి మిధ్యాశోకపరవశుడై ఉంటున్నాడు. చిత్రం!
తొలగించండిమనషుల మనసులు గాఢంధకారాన్ని పోలి ఉంటాయి.. మనం చేసే మంచి చమురు.. మన సత్ ప్రవర్తన.. వినయ విధేయతలు సమిధలు మరియు నిప్పు కణిక.. వీటి ద్వారనే ఆత్మ శోధన చేసుకుని జీవాత్మ పరమాత్మను వెతుక్కుంటే అదే ముక్తి.. తక్కినది కేవలం మాయ మిథ్య కాలం చేసే గారడి..!
రిప్లయితొలగించండి