ఇత డిటువంటి వాడె యెఱుగరో మీరు
చతురత రామునకు సరి వారెవరు
ఎందుబోయి డాగి కొన్న నెదిరించ రాగలడు
క్రింది మీదులను తానై క్రీడించ గలడు
ముందుకురికి మీదికెత్తు భూగోళ మైనను
సందుజూచి యెత్తగల డెందులేని వేసము
మెల్లగాను కాలుపెట్టి కొల్లగొట్టు సర్వమును
కొల్లపుచ్చు నెంతవారి గొప్పలైనను
చల్లని చూపుల నేలు సర్వలోకములను
కల్లలాడు వారి తోడ కలహము లాడును
భూమికి బరువైన వారి బొందపెట్టు చుండును
భూమిని కలిపెత్తనము పోనడగించు
ప్రేమ జూపు భక్తులకు రెట్టింపు సేయుచు
కామితార్ధముల నెల్ల కరుణించు చుండును
*ఇది రామకీర్తనలలో 1000వ కీర్తన*
రిప్లయితొలగించండి1000 కీర్తనలు పూర్తి చేసినందుకు అభినందనలు, శ్యామలరావు గారు. చాలా దీక్షగా చేస్తున్నారు 👏.
రిప్లయితొలగించండిCongratulations sir
రిప్లయితొలగించండినరసింహారావు గారు, శర్మ గారు,
రిప్లయితొలగించండిధన్యవాదాలు
కొంగ వచ్చి ఎలుకను ఎగరేసు కెళ్ళినందులకు అభినందనలు శ్యామల్ రావు ఆచార్య.. ఈ కొంగ ఎలుక ఎగరేసుకెళ్ళటం ఏమిటి చెప్మా అని ఆశ్చయ్రచకితులౌతోంటే చెబుతాను. Congratulations Cong: rat: ulate: (elevate) [Pseudonym]
రిప్లయితొలగించండిజై శ్రీరామ జగదాభి వందిత కోదండ రామ
సీత సమేత గుణ ధామ కోసల రామ
కోదండ పాణి పినాక విరగ్గొట్టిన రామ ;)
దేదీప్య నీల వర్ణ మేఘ శ్యామ
అకుంఠిత దీక్ష సత్య సమీకృత జనార్దన సోమ
Hearty congratulations Sir!
రిప్లయితొలగించండిసహస్ర కీర్తనలు వ్రాసిన మీకు
రిప్లయితొలగించండిసహస్ర వందనాలు 🙏
సహనమూర్తులు,శాంతమూర్తులు,సహృదయులు మానవతా విలువలను పెంచుతూ,సంస్కృతీ సంప్రదాయాలను నేర్పుతూ, సహస్ర కీర్తనలు వ్రాసిన మీకు సహస్ర కోటి వందనాలు.
రిప్లయితొలగించండిలలితా సహస్ర నామ వివరణ కూడా పూర్తి చేయగలరని ఆశిస్తాను.
నీహారిక గారు, భగవదనుగ్రహంతో ఆ కార్యక్రమం కూడా తప్పకుండా సంపన్నం అవుతుందని ఆశిద్దాం.
తొలగించండినీహారిక గారు,
తొలగించండిఎవడో పేదబ్రాహ్మణుడి దురాశ చూసి రాజుగారు ఏనుగును దానమిస్తే వాడు దాన్ని మేపలేక గిలగిల్లాడాడట. అలాగు ఈ బక్కబ్రాహ్మడికి మీరు పొగడ్తలతో ఒక గజమాల వేస్తే అది వీడు మోయగలనా చెప్పండి? అంత గొప్పగొప్ప పొగడికలకు నేను అర్హుడను కానండి. మీరు ఆదరంతో ఇచ్చిన ఈ‌ప్రశంసాసుమమాలికను శ్రీరామచంద్ర ప్రభువు పాదారావిందాలకే సమర్పించుకుంటున్నాను. ధన్యత చెందెను రామయ్యా నీ దయచే నా బ్రతుకు అని విన్నవించుకుంటూ.
రిప్లయితొలగించండివెయ్యి రామ కీర్తనలకు అభినందనలు.
రామ తత్త్వం ఏమిటి? వివరించ కోరతాను.
ఈ విషయంపై ఒక కీర్తన వచ్చిందీ ఇప్పుడే. పరిశీలించండి.
తొలగించండిHearty congratulations sir 💐💐💐🙏
రిప్లయితొలగించండి🙏🙏🙏👌👌👌వేయి కీర్తనలు ధారావాహికగా రచించి వెలువరించిన మీకివే నా నమస్సులు! ఆత్మీయ అభినందనలు! సంపూర్ణ రామానుగ్రహ ప్రాప్తిరస్తు! మీ కృషికి ఉడతా భక్తిగా, సంగీత పరంగా, సాహిత్య పరంగా నాకున్న మిడిమిడి జ్ఞానంతో సహకరించగలగడం నా పురాకృత పుణ్యవిశేషం🙏🙏🙏
రిప్లయితొలగించండిఏదైనా ఒక సత్కార్యం చేయటానికి సంకల్పం కలగటమే ఒక పురాకృత పుణ్యవిశేషం.
తొలగించండిఆ సంకల్పం కార్యరూపం దాల్చటం అన్నది మరింత పురాకృత పుణ్యవిశేషం వలన కాని జరగదు.
అటువంటి సత్కార్యానికి చేయూత నిచ్చే బంధుమిత్రులు లభించటం అన్నది మరెంతో గొప్ప పురాకృత పుణ్యవిశేషం అన్నది నిస్సందేహం.
అందుచేత నేనే మిక్కిలి అదృష్టవంతుడిని. నా పురాకృత పుణ్యవిశేషం మీవంటి బంధుమిత్రుల తోడ్పాటుతో ఫలోదయ దిశగా నడుస్తున్నందుకు మిక్కిలి అదృష్టవంతుడిని.
మీకు కృతజ్ఞుడను. రాముని దయావిశేషం వలన మీ‌తోడ్పాటు లభించినందుకు.
రిప్లయితొలగించండిఏ మహాత్ముడు జనియించి భరతభూమి
పావనమయ్యె సౌభాగ్య యగుచు ,
ఏ మహాత్మునిపాద మీమహీతలమున
తాకగా పుణ్యాల తతులు విరిసె ,
ఏ మహాత్ముని నామ మిరవొంద ' రామా ' య
నుచు నిట మార్మ్రోగి నుతులు గొనియె ,
ఏ మహాత్ముని చేత ఏలబడి సుభిక్ష
మై యిచ్చటి జనులు హాయి వడిరి ,
అట్టి ' లోకైక ప్రభు ' డయోధ్యాధిపతికి
రామచంద్రున కనఘ ! ' కీర్తన సహస్ర
తపము ' జేసిన తమజన్మ ధన్యతమము ,
ఘనము , శ్యామలరాయ ! మీకలఫలించె .
మిత్రులు రాజారావు గారు,
తొలగించండిమీ ఆదరాభిమానాలకు ధన్యవాదాలు. అవునండీ, ఇది తపమే. కొనసాగుతూ ఉన్నది రాముని దయ వలన. ఇలా ఎన్ని సమర్పణం చేయగలుగుతానో ఆయన ఇఛ్ఛయే కాని నాదేమీ లేదండి నిర్ణయం.
ఈ కామెంట్‌ను రచయిత తీసివేశారు.
రిప్లయితొలగించండిఏ చెట్టూ లేని చోట ఆముదపు చెట్టే మహావృక్షం అంటారు.అలాంటిది,ఈ కలికాలంలో ఒక్క కీర్తన రాయడానికే శ్రధ లేని శక్తి చాలని పాపిష్ఠి మూక మధ్యన పునరుక్తి దోషం లేని వెయ్యి కీర్తనలు రాయడం సామాన్యం కాదు - మీరు కలియుగానికే మహాభక్తకవ్యుధ్ఘచింతామణి!
రిప్లయితొలగించండిహరిబాబు గారు,
తొలగించండిధన్యవాదాలు.
రాముడిదే సంకల్పం, నన్నుధ్దరించటానికి! ఈసంకీర్తనా కుసుమాలు ఆయనకే అర్పితం.
నిమిత్తమాత్రుడను. ఇలా ఉండటంలో కూడా ఎంతో ఆనందం ఉన్నది..అది అనుభవైకవేద్యం.