ఐదైదు గుమ్మాలున్న అందమైన యిల్లిది
నీదేలే నీదేలే నీవు నాకిచ్చినదే
నీ పనుపున నేనున్నను నీదేగా యీయిల్లు
నా పని నీయింట నుండి నీపనులు సేయుటయే
కాపలా వాడననుము కావలసివాడ వనుము
ఓ పరమాత్మ నన్నిట నుంచితి వే నుంటిని
నా యింటికి రమ్మని జనాంతికముగ నందును
నాయిల్లా నిజమున కిది నీయిల్లని యెరుగనో
నీ యింటికి వచ్చి పోను నిన్ను నే పిలిచెదనో
నా యిల్లని జగమనుకొను నీ యింటికి రావయ్య
పదునాలుగు లోకముల ప్రతిగృహము నీయిల్లే
సదయ నీవు నన్నుంచిన చక్కని యీ యింటిలో
ఎదురు చూచుచుంటి నయా ఎపుడు వత్తువో యని
పదము లిందు మోపవయా పతితపావన రామ
ఐదైదు గుమ్మాలు అన్నారు. ఏదైనా ప్రత్యేకత ఉందా ? నాలుగు గుమ్మాలు లేదా ఆరు గుమ్మాలు ఉండవచ్చు కానీ 5,7,9 ఉండకూడదేమో కదా ? తెలుపగలరు.
రిప్లయితొలగించండిహమ్మయ్య. మీరొకరైనా చదివారన్నమాట. ఎవరన్నా మనం వ్రాసినది చదివితే బాగుంటుంది లెండి.
తొలగించండిఐదైదు అంటే ఐదు పైన మరొక ఐదు. మొత్తం పది గుమ్మాలన్న మాట. వాస్తు సరిపోతుంది.
ఇంతకీ ఈ యిల్లేమిటో ఆ గుమ్మాలేమిటో తెలిస్తే ఇంకా బాగుంటుంది కదా.
ప్రతి మనిషి హృదయంలో దేవుడు కొలువై వున్నాడని,దయ గల మనిషి హృదయమే దేవాలయం అని అర్థం.
రిప్లయితొలగించండిశ్యామల్ రావు గారు.. నేనూ కూడా అడపదడప మీ టపాలను చూస్తు ఉంటా.. కాని వ్యాఖ్యానించటం అరుదు. ఈ ఐదు గుమ్మాలున్న యిల్లు కి తొమ్మిది కిటికీలు కూడా.. ఈ యింటి యజమానులు ఇద్దరు..
రిప్లయితొలగించండిశ్యామల్ రావు గారు.. ఆ యిల్లు మన దేహం.. ఐదు గుమ్మాలు పంచేంద్రియాలు, ఆ తొమ్మిది కిటికిలు నవరంద్రాలు, ఆ యజమానులు జీవాత్మ పరమాత్మ..
~హరిః ఓం~
~శ్రీధర్
నీహారిక గారు.. నాకు తెలిసినది మీకు చెప్పే ప్రయత్నం చేస్తాను.. మీరు అంటున్న గుమ్మాల సంఖ్య ఏమో గాని.. నాకు తెలిసినంతలో గుడి గోపురం పై కలషాల సంఖ్య బేసి సంఖ్యలో ఉంటాయని.. అనగ ఒకటి, మూడు, ఐదు.. ఇలా ఉంటాయి.. ఏడు కలషాల గోపురం.
రిప్లయితొలగించండి