| కం. శ్రీరామా యిది మేలా యీ రీతిని ముక్కలైన యీ గడ్డకు రే పే రోజున యే కష్టము లే రానుండినవి తండ్రి ఇకపై తఱచై ఆ.వె. కలసి యుండలేక కలహించుకొని మేము వేరుపడితి మయ్య విశ్వనాథ ఇల్లు ముక్కలైన తల్లి యేడ్చును గాని ఎదుటి ఇంటి వార లేడ్వరుగద తే. అయ్యవారి నట్టిల్లను నట్టు లున్న దివల సీమాంధ్ర భాగమే యెంచి చూడ అల తెలంగాణ భాగమందన్న విజయ మట్టు లుండగ చిక్కులతుట్ట లుండె ఆ.వె. తెలుగువాడి నన్న దేశంబు నవ్వగా శిరము వంచుకొనెడు స్థితికి నేడు చేరుకొంటి మయ్య యేరీతి నిక ముందు జరుగ గలదొ శుభము సారసాక్ష కం. కాలము చేసిన దానిని మేలని కీడనుచు నెంచి మేమతి భ్రాంతిన్ దూలిద మిది యెల్లను నీ లీలయె యను నట్టి యెఱుక లేక మహాత్మా |
[ నా శ్యామలీయం బ్లాగులో 500వ టపా ఇలా వ్రాయవలసి వస్తుందని అనుకోలేదు.]
శ్యామలరావు గారు!
రిప్లయితొలగించండిచివరి పద్యంలో రెండవ పాదంలో "మేము భ్రాంతిన్" అన్న చోట గణభంగమయింది.
చూసి సరిదిద్దండి.
ధన్యవాదాలండీ. సరిజేసాను. చివరిదాక పరుగెత్తి భంగపడిన తెలుగుగణాల్లాగే చివరిపద్యంలోనూ గణం భంగపడిందండి.
తొలగించండిఏం భయం లేదు. అమ్మ దయ ఉంటే అన్నీ ఉన్నట్టే! 500 వ టపాకి అభినందనలు.
రిప్లయితొలగించండిమన తరమున తలెత్తుకొనడం కాస్తంత కష్టమైనా విషయమే...
రిప్లయితొలగించండిశేష జీవన పయనం మనమున పూర్తిగ విషాదమే...
నచ్చిన నచ్చకున్న ఇది మింగవలసిన కషాయమే...
కనుచూపు మేర కానరాకున్నది మరి దాటుకోను ఏ ఉపాయమే...
సన్నని చామదుంపలా మిగిలిన రాష్ట్రావశేషం ఇంకో రెండు భాగాలయ్యేట్టుంది - రాజధాని నగరం విషయంలో. దానికి అనుకూలంగా గాని వ్యతిరేకంగా గాని ఎటు వంటి ఉద్యమాలూ ఇంత స్థాయిలో నడవ్వని నా అభిప్రాయం.
రిప్లయితొలగించండిసూర్యగారూ,
తొలగించండిఒకభాగం చామగడ్డలాగా ఉంది, మరొకభాగం కందగడ్డలాగా ఉంది. పోనీలెండి ఆకారాలు ఏర్పడ్డాయి మన వికారాల పుణ్యాన ఐనా. బాగుంది.
చామగడ్డ ఐనా కందగడ్డ ఐనా దుంపగడ్డలేకదా, ఏ దుంపగడ్డ ఐనా కోసుకుతినేవాడి కత్తికి బలికావలసిందే కదా. కాలం వీటీని కోసుకు తిటుందా ముందుముందు? ఏమో ఏమి చెప్పగలం! కానున్నది కాక మానదు. ఇంకా ఏఏ ఆత్మాభిమానాలు అభివృధ్ధినినాదాలూ కత్తులందిస్తాయో కాలక్రమంలో దుంపలుతెగటానికి. కాలో దురతిక్రమణీయః.