నిన్నెవరు నమ్మెదరే నీవు మాటలాడకే వన్నెచిన్నె వేషాలు వగలు చాలించవే |
|
పదిమంది బంటులతో పడివచ్చి పెత్తనము ముదమార చేసిచేసి ముంచిపోదువే పదిమందిలో నన్ను పలుచనగ చేయుదువే వదిలిపెట్టవే యింక వయ్యారి చిత్తమా |
నెన్నెవరు |
ఎప్పటికి తగినతొడు గప్పుడు బలె కప్పెదవే తప్పుదారుల నన్ను త్రిప్పాలని చూసెదవే తప్పొప్పుల మరపించు తిప్పతీగవే నీవు నిప్పచ్చపుబుద్ధితో నీల్గెదవే చిత్తమా |
నిన్నెవరు |
తీరుగ నీసంగతిని తెలిపి వేడుకొంటినే శ్రీరామరక్షనే కోరుకొని నిలచితినే శ్రీరామచంద్రుడే చేరదీసె చిత్తమా ఆరాముని పాదముల నాశ్రయించ బోవే |
నిన్నెవరు |
20, సెప్టెంబర్ 2016, మంగళవారం
నిన్నెవరు నమ్మెదరే
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.