8, సెప్టెంబర్ 2016, గురువారం

వట్టిమాటలు కాని గట్టిపనులు లేక..



పుట్టి సాధించిన పుణ్యమే ముండును
వట్టిమాటలు కాని గట్టిపనులు లేక

వయసున దేవుని వంకకు పోకుండ
వయసుడిగన నాడు భజనలు మొదలిడి
భయమును భక్తియు పడుగుపేకల చేయ
పయనించెడునాడు ఫలమిచ్చేనా		 పుట్టి

దినమున కొక్కొక్క దేవుని పూజతో
మనసున నేతత్త్వమును నిలువకయున్న
తనకిది హితమని తానెరుగ లేకున్న
తనబ్రతుకున కొక దారితెన్నును లేక		 పుట్టి

లొట్టసిధ్ధాంతాల లోగుట్టు తెలిసేనా
మెట్టవేదాంతాన మేలొండు జరిగేనా
పట్టక శ్రీరామపాదాబ్జములు తన్ను
పట్టిన పెనుమాయ ప్రక్కకు తొలగేనా 		పుట్టి


వీరిచే పోస్ట్ చేయబడింది వద్ద
లేబుళ్లు:

4 కామెంట్‌లు:

  1. కంది శంకరయ్య8 సెప్టెంబర్, 2016 7:01 AMకి

    రామపాదాలే పెనుమాయను తొలగిస్తాయంటూ మంచి గేయాన్ని అందించారు. రాగ తాళాలను పేర్కొంటే గాయకులకు అనుకూలంగా ఉంటుంది కదా!

    రిప్లయితొలగించండి
    రిప్లయిలు
    1. శ్యామలీయం8 సెప్టెంబర్, 2016 8:37 AMకి

      రాగతాళాలేవో ఆధారం చేసుకోకుండా సంకీర్తనం వ్రాయలేము కదండీ. కాని తరచుగా ఆ రాగం పేరు విషయంలో పొరపాటు పడే అవకాశం మెండు. అలాగే తాళం మరీ శుధ్ధంగా ఉండకలోవచ్చును. రాగప్రస్తారమూ అలాగే ఉండవచ్చును. ఈ‌ పరిస్థితికి కారణం నేను సంగీతజ్ఞుడను కాకపోవటమే. అందుచేత స్వరపరచుకొనే బాధ్యతను సంగీతజ్ఞులకే వదలటం‌ మంచిది. నిజానికి ఒక రాగంలో ఉన్న పాటను మరికొన్ని ఇతరరాగాల్లోనూ‌ ఒదిగించవచ్చు నన్నది సామాన్య సంగీతవిద్యార్థులకు కూడా చక్కగా తెలిసిన విషయమేను.

      తొలగించండి
  2. sarma8 సెప్టెంబర్, 2016 8:22 AMకి

    మెట్ట వేదాంతాలకే రోజండీ :)

    రిప్లయితొలగించండి
  3. SD8 సెప్టెంబర్, 2016 6:01 PMకి

    సర గుణ పాదములకు స్వాంతమను సరొజమును సమర్పణము సేయు వారెందరో ...

    రిప్లయితొలగించండి

ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)