ఇంతకంటె చెప్పగ నేమున్నది
పంతగించి కాదని పలుకకండి
చేయండీ సులువైన శ్రీరామ నామము
చేయరా తప్పునా ఆ యమదరిసెనము
మూయండి కామాది మ్రుచ్చులకు తలుపులు
మూయరా తప్పునా ముందెన్నో జనమలు
పాడుడీ శ్రీరామ భజనసంకీర్తనములు
పాడరా పోవునా పాపాలు శాపాలు
వేడండి శ్రీరామ విభునింక శరణము
వేడరా మిమ్మేల వీడు భవబంధము
నమ్మండి శ్రీరామనాథుని మహిమమును
నమ్మరా మాయలో నలిగిపోయేరు
ఇమ్మహి రామనామ మేభవతారకము
సుమ్మని తెలియదా సుఖమేమి లేదు
