కౌసల్య కొడుకువేరా

కౌసల్య కొడుకువేరా కన్నా నీలో

కౌసల్య చక్కగా కనుపించేరా

కౌసల్య నడకలనే కనవచ్చు నీలో

కౌసల్య సుకుమారము కనవచ్చు నీలో

కౌసల్య లావణ్యము కనవచ్చు నీలో

కౌసల్య పోలికలే కనవచ్చు నీలో

కౌసల్య దయాగుణము కనవచ్చు నీలో

కౌసల్య పెద్దరికము కనవచ్చు నీలో

కౌసల్య ఓరిమియే కనవచ్చు నీలో

కౌసల్య శాంతగుణము కనవచ్చు నీలో

కైకమ్మ పెంపకమున గడుసుదనము నేర్చి

కైకమ్మ మంకుతనము కాస్తంత నేర్చి

కైకమ్మ ధీరగుణము ఘనముగా నేర్చి

లోకాన వెలుగు రామ లోకాభిరామ