ముక్కుమీద కోపాలయ్య ముద్దుముద్దు లచ్చుమయ్య
చక్కనయ్య రామానుజ సౌమిత్రీ మెచ్చితినయ్య
అన్నతోడు లేక బువ్వ లారగించ నంటావయ్య
అన్నవెంట తిరిగే ఓ రామానుజయ్య
ఎన్నగాను తమ్ముడంటే ఇలమీద నీవేనయ్య
నిన్నుమెచ్చె కైకమ్మ నిశ్చయంబుగ
అన్నతోనె గాక నీవే ఆటలాడ నంటావట
అన్నచెప్పి నట్టులాడే అనుజడవయ్య
అన్నగారు శాంతపూర్ణు డనుజడేమొ కోపనుడట
అన్నమాట నాగస్వర మౌనట నీకు
అన్నిటికి నన్న యాయె అన్నతోడి లోకమాయె
అన్నా నీదు రామభక్తి అబ్బుర మయ్యా
చిన్నారి లచ్చుమయ్య శేషాంశపూర్ణయ్య
నిన్ను విడచి రామచంద్రు డెన్న డుండడు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.