రాచబిడ్డవు నీ కేల రారా రామయ్య
నూటికిపైన బాణాలు సూటిగ క్షణములో
ధాటిగ వేయువిద్యనే తండ్రీ నేర్పెదను
సాటిలేనట్టి మేటి చక్కని విలుకాడు
నీటుకాడని జనులు నిన్నే పొగడేరు
సుకుమారి కౌసల్య చురకత్తి నైన
ఒకనాడు నీవు తాకకుండగ పెంచేను
వికటరిపువర్గవహరణ విక్రమంబును
ప్రకటనము నీవు చేయ వలయును రేపు
కైకమ్మ మాట వింటే కదనరంగాల
నీకు శాత్రవువులెల్ల మోకరిల్లేరు
లోకాన నాకీర్తి లేకుండు నుండు
నీకీర్తి శాశ్వతమై నిలువజేయుదు
