5, జూన్ 2021, శనివారం

మన్నించి వినవయ్య రామయ్యా

మన్నించి వినవయ్య రామయ్యా నా
విన్నప మొక్కటి రామయ్యా

రామదాసుడ గాని రామయ్యా నేను
కామదాసుడ గాను లేవయ్యా
నామీద దయజూప వేమయ్యా రామ
ప్రేమతో నన్నేలు కోవయ్యా

శిష్టుల సంగమే చాలయ్యా రామ
దుష్టుల జేరంగ బోనయ్యా 
కష్టించి బ్రతుకుదు రామయ్యా నాకు
కష్టాలు రానీక కావవయా

పరదైవమవని నమ్మి యుంటినయా రామ
పెఱదైవముల నేను కొలువనయా
కరిరాజవరదుడ వైనటులే రామ
కరుణించి నన్నాదు కోవయ్యా












వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.