ముద్దు ముద్దు మాటల మోహనరామ నీ
వద్ద నున్న బాణాల వాడి యెంతరా
వాడివేడి బాణాల.వాడను కైకమ్మ
పాడురాకాసుల పనిపడతా
నేడేరేపో నాగొప్ప పోడిమి గూరిచి
వాడవాడలందు జనవాక్య మగును
తొడిగి విడచు బాణాలు తుంటరి వారల
నడగించు బ్రహ్మాదు లడ్డమైనను
జడివానగా వీడు జల్లు బాణాలని
జడిసేరు వీరాగ్రేసరులు లోకాన
హరివోలె రాక్షసుల నందర గొట్టేవొ
హరిని నేనే యనుకో వమ్మ కైకమ్మ
మరి యంత వీరుడవై మాయని కీర్తిని
ధరనేలుదువు లేరా దశరథాత్మజ
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.