11, ఏప్రిల్ 2018, బుధవారం
నమ్మితే కలడు నీకు
నమ్మితే కలడు నీకు నారాయణుడు నీవు
నమ్మకున్న నీకు కలడు నారాయణుడు
నానా దిక్కుల గలడు నారాయణుడు తాను
నానా జీవుల గలడు నారాయణుడు
జ్ఞానరూపు డైనట్టి నారాయణుడు సృష్టి
లో నిండియున్నాడు కానరాకుండ
నామరూపముల కవలి నారాయణుడు కోటి
నామముల వెలుగొందు నారాయణుడు
నామరూపములు దాల్చి నారాయణుడు సీతా
రాముడై వచ్చె లోకరక్షణార్ధమై
ధారాళమైన సుఖము నారాయణుడు నీకు
కోరినంతగా నిచ్చు నారాయణుడు
వైరాగ్యము గలవారికి నారాయణుడు వారు
కోరునట్టి ముక్తినే కొసరెడు వాడు
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.