8, ఏప్రిల్ 2018, ఆదివారం

ఎంత మంచివాడ వయ్య యీశ్వరుడా


ఎంత మంచివాడ వయ్య యీశ్వరుడా మా
చింతలన్ని దీర్చినా వీశ్వరుడా యీశ్వరుడా

అందాల భూలోక మద్భుత మపురూపమని
చిందులు వేయుచుండ చిటికలోన
నెందుండి వచ్చు నీ యెనలేని కష్టాలని
కొందలపడు మాకు నీవు కూర్చితి వొక యాశను

మాకోసము దిగివచ్చి మాలోన తిరిగితివి
యేకష్టమైనను నెదురుకొంటివి
మాకు నీ చరితమే మంచిపాఠ మాయెను
మాకు నీ నామమే మంత్రరాజ మాయెను

ఏమయ్యా వెన్నుడా యెంతమంచి వాడవు
నీ మేలెన్నడు మేము మరువము
రాముడవై నీవు వచ్చి రక్షించి నావయ్య
యీ‌మానవజాతి చింత లిట్టె తీర్చితివి


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.