6, ఏప్రిల్ 2018, శుక్రవారం
రామకీర్తనమే రమ్యభాషణము
(దేవగాంధారి)
రామకీర్తనమే రమ్యభాషణము
నీ‌మాట లటులుండ నేర్వవలె
కామాసక్తత కామినులను జేరి
యేమని పొగడే వెల్లపుడు
కామము తీరేదా కాయము నిలిచేదా
రామ రామ విరక్తి కలుగదా
పామరత్వమున పరిపరివిధముల
సామాన్యులగు తామసుల
నేమని పొగడేవో మేమి గడించేవో
రామ రామ తుది నేమి మిగులునో
ఏమంత్రంబుల నెంతపఠించిన
నాముష్మిక మది యంతంతే
కామితమగు మోక్షము కలిగించవు
రామ రామ ఈ భ్రమలు మానుమా
