11, ఏప్రిల్ 2018, బుధవారం
చదువులచే ప్రజ్ఞ
చదువులచే ప్రజ్ఞ మీకు సంభవించుచో
చదివెడు వారందరకు సంభవించదేమి
తెలియుటకు తగినంత దేవుడొకనిలో
కలిగించక సత్త్వమును గ్రంథము లెన్ని
తలక్రిందులుగా చదివి తహతహలాడి
తెలియున దేమైనా కలదా చెపుడీ
మెలమెల్లగా జీవి మేదిని మీదను
పలు యుపాధుల లోన మెలగుచు తాను
కొలదికొలది తెలియుచు గూఢతత్త్వమును
తెలిసినవే చదువుపేర తెలియును మరల
పోరినంతనే చదువు బుధ్ధి కెక్కదు
మీరున్న స్థితిని బట్టి మీకెఱుకగును
శ్రీరాముని దయగల జీవిక్షణములో
నేరుగా మోక్షవిధ్య నేర్వగలుగును
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.