13, ఏప్రిల్ 2018, శుక్రవారం
మగడో పెండ్లామో మాటిమాటికి
మగడో పెండ్లామో మాటిమాటికి
నగు గాని భోగాశ తెగదు దేహికి
ఎంత భోగించితే నీ దేహి కామము
కొంతతీరు ననిచెప్ప గూడని దాయె
నంతకంతకు పెరుగు నంతియె కాక
చింతించునే పరము చిత్తములోన
ఒకరికొకరు తామనే యూహయె కాని
యొకనాడును దేవుడే యూహకు రాడు
తగులుకొన్న వారలు తరలిన నైన
తెగదుగా భోగాశ దేహికి రామా
ఎన్నడో యొక దేహికి యీ భోగాశ
యన్నది దిగజారగ నాపై నీపై
తిన్నగా దృష్టి నిలిచి దివ్యపదమున
చెన్నొందు తిరుగుటుడిగి సృష్టిలోపల
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.