4, ఏప్రిల్ 2018, బుధవారం

ముందు వెనుకలె కాక


ముందు వెనుకలె కాక యందరు హరిపద
మందుదు రిందుకు సందియమేల

వేరువేరు దారుల వేదపర్వత మెక్కు
వారందరు హరి వద్ద చేరెదరు
శ్రీరమణుని చేరు జీవుల మధ్యన
తారతమ్యా లెంచ దగునా మనకు

దానధర్మంబులు తాపసవృత్తులు
పూని యోగరత బుధ్ధులును
మానని వారును కానని వారును
మానక హరినే మరి చేరెదరు

పరమనిష్ఠగ రామభద్రుని గొలుచుచు
మరువక రామనామస్మరణమును
నరుడెవ్వ డుండు వాడు నారాయణుని
పరమపదమిదే పట్టుచున్నారు


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.