17, ఏప్రిల్ 2018, మంగళవారం

నానా విధముల


నానా విధముల నేను భ్రష్టుడ
ఐనను నిన్నెఱిగితి నింక శిష్టుడ

నాదైన నాబ్రతుకు నా గొప్పదన మనుచు
నీ దయా లేశముగ నే నెఱుగనైతి
చేదోడుపడు నిన్ను చిన్నబుచ్చితి నని
లో దలపగ నీదు నీలోని దయాగుణము

భయపడుచు భయపడుచు పదిమందికిని
జయపెట్టుట మానితిని స్వామీ నీకు
దయగల దొఱవైన నీకు తప్పు తోచదే
రయమున నాకష్ట మెఱిగి రక్షించినావు

దీనుడ నను దయతోడ తీర్చిదిద్ది నావే
ఈ నాటికి మంచిదారి నెఱిగెడు దాక
దీనిని నీ దయాధర్మదివ్యబిక్ష మందు
నేనెఱిగితి రామచంద్ర నిన్నెఱిగితి నిటుల

2 వ్యాఖ్యలు:

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.