చేతులెత్తి మ్రొక్కేము సీతారాముడా సం
ప్రీతుడవై మమ్మేలుము సీతారాముడా
రాతి నొక్క నాతి జేసి సీతారాముడా వి
ఖ్యాతుడవై నావు నీవు సీతారాముడా ఒక
కోతినే బ్రహ్మగ జేసి సీతారాముడా వర
దాత యున్న నీవైతివి సీతారాముడా
ఆతురులై చేరు వారి సీతారాముడా నీ
చేతులతో గ్రుచ్చి యెత్తి సీతారాముడా సుఖ
దాత వగుచు బ్రోచు నట్టి సీతారాముడా మ
మ్మే తీరున కాచెదవో సీతారాముడా
పాతకముల బాపు నట్టి సీతారాముడా మా
జాతకముల మార్చు నట్టి సీతారాముడా ఇక
భూతలమున పుట్ట కుండ సీతారాముడా మో
క్షాతురులము రక్షించుము సీతారాముడా
