చక్కని విలుకాడ వందురే

చక్కని విలుకాడ వందురే సాకేతరామ
ఒక్క బాణమేయ రాదా

ఎక్కుపెట్టి విల్లు నీ వొక్క బాణమేసి నా
చిక్కులన్ని తీర్చరాదా చీకాకుపెట్టు
రక్కసుల కామాదుల రామబాణ మొక్కటే
యుక్కడగించే నిది నిక్కము రామయ్యా

నిక్కునీల్గు వాలిపై నొక్క బాణమేసి ఆ
స్రుక్కియున్న సుగ్రీవుని దిక్కైనట్లు
నిక్కు నా అహమనే యొక్క చెడ్డ కోతిపై
చక్కగ నీ బాణమేసి చక్కజేయ రాదా

అక్కటా పరశురాము డార్జించిన పున్నెముల
నొక్కబాణ మేసి నీ వూడ్చి వేసినట్లు
ఒక్కబాణ మేసి నాకున్న పాపరాశి నెల్ల
చక్కగ మండించ మంచి సమయ మిదే కాదా