వర్షించుము రామచంద్ర

వర్షించుము రామచంద్ర వర్షించుము
వర్షించుము నీకరుణను వర్షించుము

ప్రతిదినమును నీకరుణను వర్షించుము
ప్రతిరాత్రియు నీకరుణను వర్షించుము
ప్రతిస్థలమున నీకరుణను వర్షించుము
శతకోటి దండములో సర్వేశ్వరా

పరమమధురమైన కరుణ వర్షించుము
పరమశుభదమైన కరుణ వర్షించుము
పరమపదము నిచ్చు కరుణ వర్షించుము
పరమపురుష శతకోటి వందనంబులు

వరదాయక మగు కరుణను వర్షించుము
త్వరపడుము నీకరుణను వర్షించుము
పరమాత్మా నీకరుణను వర్షించుము
పరదైవమ శతకోటి వందనంబులు