శ్రీరాము డెవ్వరో చెప్పండి

శ్రీరాము డెవ్వరో చెప్పండి మాకు 

    శ్రీరాముని మహిమ తెలుపండి

ఆరాముని గొలిచి ఫలమేమి భక్తు 

    లందుకొనవచ్చునో తెలుపండి

సాకేతపురమేలు వాడండి వాడు

    సర్వలోకములేలు వాడండి

లోకాధిపులు పొగడు వాడండి సకల

     లోకసన్నుతుడగు వాడండి

లోకపావనుడైన వాడండి సకల

    శోకనాశనుడైన వాడండి

ఆకాశవర్ణంబు వాడండి వాడు

    లోకపోషకుడైన హరి యండి

శ్రీహరియె రాముడని తెలియండి తెలిసి 

    శ్రీరాముని మీరు కొలవండి

ఊహింహ శ్రీరామమాహాత్మ్య మజుని 

    యూహకైనను తెలియ రాదండి

దేహధారులకెల్ల శ్రీరామనామ 

    దివ్యమంత్రమె చాలు తెలియండి

మోహాదులను గోసి రామయ్య మనకు

    మోక్షఫల మిచ్చునని తెలియండి