హరిని పొగడరే

హరిని పొగడరే శ్రీహరిని పొగడరే
హరిని పొగడి భవమును తరియించరే

నిరుపమసుగుణాకరు డగు హరిని పొగడరే

పరమదయాపూర్ణుండగు హరిని పొగడరే

సురవిరోధికులదహనుని హరిని పొగడరే

సురుచిరసుందరవదనుని హరిని పొగడరే

పరమభక్తవరులు కొలుచు హరిని పొగడరే

హరవిరించిసన్నుతు డగు హరిని పొగడరే

వరవితరణశీలుం డగు హరిని పొగడరే

సరసీరుహనయనుం డగు హరిని పొగడరే

స్మరగురు డని సురగురు డని హరిని పొగడరే

నరనాథుడు రాము డనుచు హరిని పొగడరే

దరిజేర్చెడు దైవమనుచు హరిని పొగడరే

మరి యొకరిని పొగడ మనుచు హరిని పొగడరే