ఎంతో చదివి యెంతో చూచి యెంతో చేసి యోగ్యుడై
యింతవా డంతవా డితడే ననిపించుకొని
ఎవడెవడా చదువులకు సారమెఱుగు చున్నాడు
కువలయమున తన యునికి గూర్చి యెఱుగు చున్నాడు
భవముదాటు విధ మేదని పరితపించు చున్నాడు
చివరి వరకు విరాగియై జీవించు చున్నాడు
భువి నెవడు తన యునికి మూల మెఱుగు చున్నాడు
భువి నెవడు తన రాకపోక లెఱుగు చున్నాడు
భువి నెవడే బంధములను పోద్రోచు చున్నాడు
వివరింపగ నందరివలె వెడలి పోవు చున్నాడు
జనులార కోటి కొకడె చదువులకు సారమైన
యినకులపతి తత్త్వ మొక్కింత యెఱుగు చున్నాడు
ఘనుడువాడె స్వస్వరూప జ్ఞానమొందుచున్నాడు
కనుక రామభక్తులై గడచు డయ్య భవమును
ఎంతో చదివి యొంతో చూచి
రిప్లయితొలగించండిమూర్ఖులకు జ్ణానబోధ చేయ బూని
అల్పులతో అనవసరమైన మాటలు పడనేల?
చక్కగా సెలవిచ్చారు.
తొలగించండిలోకసంగ్రహార్థం ఏదో చేస్తున్నామన్న భ్రమ. అంతే.
నిజానికి ఒకరికి చెప్పగలవాడనా.
మరొక కోణం కూడా ఉందేమో.
బోధయంత పరస్పరం అన్నట్లుల ఒక వ్యవహారం ఉన్నది.
ఎవరెవరికి ఉపయోగమో వారి కిట్టిమాటలు చేరి యుపకారం చేయవచ్చును.
మధ్యలో అనేకులు వీటిని సరిగా వినియోగించుకొనలేని వారుంటారు. వారిలో అనేకులకు ఇవి పట్టవు. ఇబ్బంది లేదు. కొందరు పట్టించుకొని తమతమ అధికారసిధ్ధలోపాల కారణాలవలన తప్పుగా గ్రహించి ఇబ్బందిపడతారు. వారిలో కొందరు తిరిగి ఇబ్బంది పెట్టాలని చూస్తారు. వెతగల్గిన తాళుమనెన అన్న త్యాగరజస్వామి సూక్తిని అనుసరించి తూష్ణీంభావం వహించటమే ఉత్తమం. చేరవలసిన కొద్దిమందికి సరిగాచేరుటే వీటికి సార్థకత అని గ్రహించటమే సరైన దృక్పథం అవుతున్నది. ఇతరులవలన కలిగే వ్యధకు రామకృపారసాయనమే మందుగా పనిచేస్తుంది. చాలు.