2, మే 2012, బుధవారం

వేడుకైన షష్టిపూర్తి వేళ నున్న బొమ్మ

అందరి మధ్యన నిలచి యాడెడు బొమ్మ
అందరితో కొసరి మాటలాడెడు బొమ్మ
అందముగ నీచేతుల నమరించిన బొమ్మ
అందందు త్రిప్పుచు నీ వాడించు బొమ్మ

అరువదేళ్ళుగా నిచట నాడుచున్న బొమ్మ
సరసమైన కదలికల చక్కనైన బొమ్మ

వేడుకైన షష్టిపూర్తి వేళ నున్న బొమ్మ
ఏడుగడ వీవాడించు నాటలాడు బొమ్మ

నీదు వ్రేలి కొసల చూపు నిలుపుకున్న బొమ్మ
కాదనక నీ యానతి కదలుచుండు బొమ్మ