కోరి కోరి వచ్చితినా కువలయమునకు నిన్ను
చేరి యుండియుండి విసివి చెడిపోయితినాఅచ్చట లేకున్న వేమి యిచ్చట గలవయ్య
ముచ్చటలా మురిపాలా మోహ మేల గాని
యిచ్చకాలు మాని యింక నెప్పటివలెనే
వచ్చి తొల్లింట నుండ వచ్చు ననుము రామ
నిను గన రానట్టి చోట నెట్టు లుందు నయ్య
మనుజలోకవిలాసాల మాట యేల గాని
కనుగొని నా తహతహ నిక కనికరించ వయ్య
వెనుకటి వలె నుండు మనుచు పిలిపించుము రామ
మాయ తిత్తులందు నేను మసలు టెందు కయ్య
ఆ యము డను వాని తోడ నల్లరేల గాని
న్యాయ మెంచి మునుపటి వలె నన్ను కటాక్షించి
హాయిగ నీకడ నుండగ నాన తిమ్ము రామ
శ్యామల రావు గారు,
రిప్లయితొలగించండినమస్కారం.మీ బ్లాగు చూసాను.చాలా బాగున్నది.
మీవంటి తెలుగును ప్రేమించే పెద్దలు ఉన్నందునే మన నేల మీద తెలుగు ఇంకా బతికి ఉన్నది.
మీ స్పందన వ్రాసినందుకు ధన్యవాదాలు.
పాలపర్తి ఇంద్రాణి.
ఇంద్రాణిగారూ, ధన్యవాదాలు.
రిప్లయితొలగించండి