మాటలలోన చేతలలోన
సాటిలేని వాడు మా జానకిమగడు
ధాటిగ నసురకోటిని దునిమే
సూటిబాణాల మా జానకిమగడు
పూవింటివాడు నివ్వెర
పోవు నంత సౌందర్యము
యీవి జూడ ముక్తినే
యిచ్చుచుండు నౌదార్యము
ఠీవి జూడ మహావిష్ణు
దేవున కది సరిసమము
భావింపగ తనకు సాటి
వాడు లేనే లేడు నిజము
మాట యిచ్చెనేని దాని
దాటకుండు తన సత్యము
ఓటమియే లేని విజయ
దాటిగల ప్రతాపము
నేటికి యేనాటికిని అ
నింద్యమైన మహాయశము
సాటిలేని రాముని ప్రభ
సర్వసుజన సంపూజ్యము
