నీవెక్కడ నీవెక్కడ నిన్నే నమ్ముకున్నాను
రావేమీ రావేమీ రామా యెంత పిలిచాను
కనుపాపలు నీకొరకై కలలుకనని దినం లేదు
వినువీధిని నాపిలుపే వినిపించని దినం లేదు
నినువెదకుచు భూమిపైన నేనడుగని ముని లేడు
కనరాక నీవు దాగ కారణమే కనరాదు
కనవచ్చిన నొక్కసారి కరిగిపోయే దేమి నీకు
నను పలుకరించుటయే నగుబాటా యేమి నీకు
క్షణకాలము ననుకలసిన చాలు నీకు పోయేదేమి
మనసుదీర్చ రారాదా మరిమరి ప్రార్ధింతును
సిరిసంపద లడుగుదునని చింతించగ వలదు నీవు
చిరాయువే యడుగుదునని చింతించగ వలదు నీవు
వరములేమీ వలదు నాకు హరి నీదరిసెనము దక్క
మరి యేదీ వలదు నాకు పరమాత్మా రావయ్యా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలు ప్రచురితం అవుతాయి.