మాటలలోన చేతలలోన
సాటిలేని వాడు మా జానకిమగడు
ధాటిగ నసురకోటిని దునిమే
సూటిబాణాల మా జానకిమగడు
పూవింటివాడు నివ్వెర
పోవు నంత సౌందర్యము
యీవి జూడ ముక్తినే
యిచ్చుచుండు నౌదార్యము
ఠీవి జూడ మహావిష్ణు
దేవున కది సరిసమము
భావింపగ తనకు సాటి
వాడు లేనే లేడు నిజము
మాట యిచ్చెనేని దాని
దాటకుండు తన సత్యము
ఓటమియే లేని విజయ
దాటిగల ప్రతాపము
నేటికి యేనాటికిని అ
నింద్యమైన మహాయశము
సాటిలేని రాముని ప్రభ
సర్వసుజన సంపూజ్యము
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.