మనసిజజనక

మనసిజజనక నీదు మహిమ తెలియగ

మనుజడ నగు నాకు వశమె మాధవదేవ  

నిను వేడిన సురవరులకు మనసిజజనక  నీవు
మనసుదీర్చి పంపినావు మనసిజజనక 

దనుజపతిని జంపుటకై మనసిజజనక నీవు

మనుజడవై జనించితివి మనసిజజనక

మనుజుడైన దశరథునకు మనసిజజనక నీవు
తనయుడవై కలిగితివి మనసిజజనక 
ఘనుతనొప్పు మునివరులకు మనసిజజనక నీవు
మనసిజుడవుగా నైతివి మనసిజజనక 

మనసిజునకు దాసుండని మనసిజజనక నీవు
కనుగొవి రావణుని తీరు మనసిజజనక 
వనితసిరిని సీత జేసి మనసిజజనక నీవు
ఘనుడు రాముడనగ నొప్పి మనసిజజనక 

గొనిపోయెను సీత నతడు మనసిజజనక నీవు
ఘనరణమున వానినణచి మనసిజజనక 
కొనియాడగ సురలు నరులు మనసిజజనక నీవు
ఘనకీర్తిని పొందినావు మనసిజజనక