నమ్మితిరా నీవే దిక్కంటే
కిమ్మనవేరా రామయ్యా
ఇమ్మహి నా గజరాజు నేలినది నమ్మదగిన కథ యందువా
నమ్మిన యా ధృవబాలు నేలినది నమ్మదగిన కథ యందువా
అమ్మగువను సంరక్షించినదియు నమ్మదగిన కథ యందువా
నమ్మిన భక్తుని యుమ్మలికమ్ముల నవ్వుచు వీక్షీంచేవే
ఏమయ్యా కరణాంబురాశివని ఎందుకు నిను కీర్తింతురో
భూమిని యుగయుగములుగా భక్తులు పొంగుచు నెందుకు పొగడేరో
రామరామ యది యంతయు దబ్బరరా యని తోచును పోరా
ఏమో ఏకారణమో నన్నొక హీనునిగా నెంచేవే
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.