నిజమైన భక్తు డెపుడు నిన్నే భజించును
విజయరామ మిక్కిలి వేడుకతో
విజయరామ మిక్కిలి వేడుకతో
సుజనావనుం డగుచు సూర్యకులమునకు
కుజనులనణగించెడు గోవిందు డడిగో
విజయము చేసెనని వేడుకతో నిన్ను
విజయరామ కొలుచును నిజముగ నీ భక్తుడు
నిజరసనాగ్రంబున నీ నామమును నిలిపి
నిజహృదంతరమున నీ రూపమే నిలిపి
నిజకరకమలముల నీ సేవలో నిలుపు
విజయరామ సతతము నిజముగ నీ భక్తుడు
నిజమైన భక్తునకు నీ నగవులే చాలు
నిజమైన భక్తునకు నీ కరుణయే చాలు
నిజమైన భక్తునకు నీ విచ్చునది చాలు
నిజమైన భక్తుడిక నీ పదమునే చేరు
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.