నిజమైన భక్తుడు

నిజమైన భక్తు డెపుడు నిన్నే భజించును
విజయరామ మిక్కిలి వేడుకతో

సుజనావనుం డగుచు సూర్యకులమునకు

కుజనులనణగించెడు గోవిందు డడిగో

విజయము చేసెనని వేడుకతో నిన్ను

విజయరామ కొలుచును నిజముగ నీ భక్తుడు

నిజరసనాగ్రంబున నీ నామమును నిలిపి

నిజహృదంతరమున నీ రూపమే నిలిపి

నిజకరకమలముల నీ సేవలో నిలుపు

విజయరామ సతతము నిజముగ నీ భక్తుడు

నిజమైన భక్తునకు నీ నగవులే చాలు

నిజమైన భక్తునకు నీ కరుణయే చాలు

నిజమైన భక్తునకు నీ విచ్చునది చాలు

నిజమైన భక్తుడిక నీ పదమునే చేరు