శివశివ నీవేమో శ్రీరామ యనమంటే

శివశివ నీవేమో శ్రీరామ యన మంటే

ఎవరూ విననొల్ల రేమయ్యా

ఓం నమః శివాయ యని యుర్విని వీరంతా

జ్ఞానోపార్జనాసక్తి యని

పూని చదువులు వేడ్క మొదలిడుదు రంతే

కాని నీ పలుకులే లోనెంచలేరే

వేదమయుడవు నీవు విశ్వమూర్తివి నీ

వాదిగురుడవు మా బాగెంచి

ఆదరించి రామమంత్ర మందించి చేయు డంటే

మేదిని జను లది లోదలచరే

నేను చేయు మంత్రమిదే నిత్యము మీరును

మానక చేయుడని మహదేవా

జ్ఞానోపదేశమెంత చక్కగ చేసినను

మానవులు మంచి మాటలు వినరే