నీ గుడివాకిట నిలచితిని

నీ గుడివాకిట నిలచితి నింతలో ఆగితి నిదె లో నడుగిడ దగుదునో
మానవుడను దుర్మానిని నేను కానిపనులను కపటంబులను మానగ లేని మతిహీనుడను ఏనాటికి మన్నించి దిద్దుదువొ	॥నీ గుడివాకిట॥
ధర్మము నెఱిగి యధర్మము నెఱిగి ధర్మమార్గమును తలదాల్చనుగా కర్మమెట్టిదో కట్టుబడితి నీ ధర్మేతరమున దయజూపవయా	॥నీ గుడివాకిట॥
అన్నియు తెలిసి న న్నేమనని నిను కన్నుల జూడగ కడు సిగ్గాయెను నిన్నే నమ్మితి నీవే దిక్కిక ఎన్నడు యోగ్యత నిచ్చెదో రామ	॥నీ గుడివాకిట॥