ఏమయ్యా మంచివాడ యెంతో చక్కని వాడ

ఏమయ్యా మంచివాడ యెంతో చక్కని వాడ
గోముగ సేవించు పూల గోడు కాస్త వినవయ్య

ఈ మా సువాసనలు స్వామీ మీ దయ చేత
మా మా తనువులను మన్నించి చేరినవి
ఈ మహిత సృష్టిని నీ మహిమను గాక
ఏ మైన కలిగెనా యేమి తేగలమయ్య
మా మా భాగ్యములు మాపరీమళములను
మీ మేన నలదుటకు వే మారులు వేడెదము

ఈ రేకుల వన్నెలు ఈ సౌకుమార్యములు
చేరినవి మాతనువుల శ్రీకర నీకరుణచే
ఆరయ ఘనప్రకృతిలో నన్నియు నీ మహిమయే
కూరిమి నమరించగా కొల్లలై గలిగినవి
వేరుగ మేమేమి తెచ్చి విన్నవించగలము
తీరుగ మా భాగ్యమైన మా వన్నెచిన్నెలే
మీరు పరిగ్రహింపగ  వే మారులు వేడెదము

ఈ మా గుండెలలో నిండి పొంగి పొరలెను
స్వామీ మీ ప్రేముడియే చక్కని తేనియగా
యేమని చెప్పవచ్చు నింతకన్న తీయని దిం
కేమైనా సృష్టిలోన నెచటనైన నున్నదా
ఏమీ అనుకొనక యీ తీయతీయని
ప్రేమనే గైకొనుమని  వే మారులు వేడెదము