దేవుడే దిక్కు

దేహధారు లందరకును దేవుడే దిక్కు సం
దేహమేల నెల్లప్పుడు దేవుడే దిక్కు

చేవచెడి యున్న వేళ దేవుడే దిక్కు స

ర్వావస్థల జీవుల కాదేవుడే దిక్కు

దేవతలకు నైనను దేవుడే దిక్కు ఆ

దేవేంద్రున  కైనను దేవుడే దిక్కు

భూవలయ మందైనను దేవుడే దిక్కు ఆ

దేవభూమి యందైనను దేవుడే దిక్కు

వేవురిలో నుండినను దేవుడే దిక్కు మరి

నీవొక్కడ వైయున్నను దేవుడే దిక్కు

జీవునకు సంసారమందు చేరిన దాది

త్రోవకాన రాని దైన దేవుడే దిక్కు

చావైనను రేవైనను దేవుడే దిక్కు ఆ

దేవదేవుడైన రామదేవుడే దిక్కు