రామబంటు

 

రామచంద్రుని బంటునైతే 

రాము డెట్లా చూచు నయ్యా

రామపాదము విడువకుంటే

రాము డేమి చేయు నయ్యా

రామచంద్రుని బంటు వైతే

రాము డాదరించు నయ్యా

ప్రేమతో నిను చేరదీయును

కామితార్ధము లిచ్చు నయ్యా

రామబంట్లే భాగ్యశాలురు

భూమినందరి కంటె నయ్యా

రామబంటుగ నైన నిన్నా

బ్రహ్మయైనను గౌరవించును

రామపాదము రావణానుజు

లంక కధిపతి జేసెనయ్యా

రామపాదము పట్టు హనుమకు

ప్రభువు బ్రహ్మపదము నిచ్చెను

రామపాదము విడువకుంటే

ప్రభువు మోక్ష మైన నిచ్చును

రామబంటుగ మారవయ్యా

రామపాదము విడువకయ్యా