కసరవచ్చునా

కొంటె కొంటె మాట లిట్లు  గోవిందా నీ
వంటె నేనూరు కో నయ్య జాగ్రత

కుంటిసాకు లెందుకే గొల్లభామా నే
నంటె నీకు ప్రాణమే వయ్యారి భామా నా
కంటబడగ వేచి యున్న కలికీ నేను
కంటబడగ వంక బెట్టి కసరవచ్చునా

గొంటుదనము మానవే గొల్లభామా నా
కంటె నాథు డెవ్వడే వయ్యారిభామా 
ఉంటి నేను తోడుంటే యువిద నీవు
కంటగించుకొని నన్ను కసరవచ్చునా 

కొంటె మాట లేమిటే గొల్లభామా నే
నంటున్నది తప్పా వయ్యారిభామా న
న్నంటుకొన్న కైవల్య మెంటే మోము
గంటునెట్టుకొని నిన్ను కసరవచ్చునా