ఎంతవాడో యీరాము డంతటిదే మాసీత

ఎంతవాడో యీరాము డంతటిదే మాసీత

ఇంతకన్న దొడ్డజంట యిలలో కల్ల

ఎంతటి యందగాడో యీరామచంద్రుడు

అంతటి యందగత్తె యవనిజాత

ఎంత గుణవంతుడో యీరామచంద్రుడు

అంత సౌశీల్యవతి యవనిజాత

 

ఎంత గంభీరుడో యీరామచంద్రుడు

అంత యుచితజ్ఞయు నవనిజాత

ఎంత ధర్మజ్ఞుడో యీరామచంద్రుడు

అంతటి ధర్మజ్ఞయు నవనిజాత

 

ఎట్లు యజ్ఞసంభవుడో యీరామచంద్రుడు

అట్లే యజ్ఞసంభూత యవనిజాత

ఎట్లు శివుని విల్లెత్తె నీరామచంద్రుడు

అట్లే మున్నెత్తె దాని నవని జాత