చూచిపోవచ్చితిమో సూర్యకులతిలక
చూచి తరించితిమిలే శోభనాకార
సీతామాత యిటుప్రక్క చిరునగ వొలుక
నీతమ్ముడు లచ్చుమన్న నిలువ నావంక
వాతసూతి కొలుచుచుండ పాదసీమను
పూతచరిత్రుడవు నిన్ను పొడగంటిమి
కొలువుతీరియున్న నిన్ను తిలకించితిమి
తిలకించి మిక్కిలిగా పులకించితిమి
పులకించుచు కీర్తనలే పలుకుచుంటిమి
పలుకుపలుకునందు మధురభావము లూర
నిగమగోచరుడవు నీవు నీరజాక్షుడవు
జగదీశ్వరుడవు నీకు సాగి మ్రొక్కెదము
తగునిట్లే దినదినమును దరిసెనము మా
కగును గాక రామచంద్ర యంతే చాలు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.