కరుణించవయా ఘనశ్యామా
నరులకు మోక్షము హరి యీయక యె
త్తెఱగున కలుగును దేవేశా
కరుణామయ నీచరణములే యిక
శరణమందురా సర్వేశా
మాయను బుట్టితి మాయను పెరిగితి
మాయనెఱుంగ నమాయకుడ
మాయామయ జగమన్నది దాటు ను
పాయము నీదయ పరమేశా
నిన్నే నమ్మితి నిజముగ మదిలో
నిన్నే తలచెద నళినాక్షా
నిన్నే కొలిచెద నిత్యము నిక్కము
న న్నేమరకుము నాతండ్రీ
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలు ప్రచురితం అవుతాయి.