హరి నిన్నఱసి సంతోషించుట యన్నది చాలా ముఖ్యమయా
విద్యలనేర్చితి విషయములెఱిగితి విత్తము లే నార్జించితిని
గద్యపద్యములు కవితలనల్లితి కవిగౌరవమును పొందితిని
విద్యలసంగతి శేముషిసంగతి విత్తముసంగతి విడువుము నీ
వుద్యమించి హరిప్రీతిగ చేసిన దుండిన దానిని చెప్పవయా
మేడలుమిద్దెలు భూములుపుట్రలు మెండుగ సంపాదించితిని
వేడుకతో నావారికి చక్కగ విలాసములు సమకూర్చితిని
వేడుకమీఱగ మేడలు కట్టిన విషయము ప్రక్కన పెట్టవయా
ఆడంబరములు కావు నీవు హరికర్పణముగ చేసినదేమి
దర్పముమీఱగ చేసితి నెన్నో దానధర్మములు పూజలను
అర్పించితి బహుదైవంబుల కత్యార్భాటముగా ముడుపులను
అర్పించక శ్రీహరికి నీమనసు ఆదానాదులు వృథావృథా
దర్పము విడచి దశరదసుతుని దయ నికనైనను వేడవయా
