ధనములకొఱకై పెండ్లము బిడ్డలు ననిశము నిను వేధించినచో
తినిపోయెడు నీబంధువు లెప్పుడు పనిగొని నిను సాధించినచో
అనుగుమిత్రులే అపార్ధము చేసుక నడ్డదిడ్డములు పలికినచో
పని మెచ్చక యజమానులు నిన్ను పలుచన చేసి పలికినచో
ప్రతిదిన మెంతగ మ్రొక్కిన వేల్పులు వరముల నీయక యుండినచో
వ్రతములు పూజలు బహుళము చేసియు వాంఛిత మబ్బక యుండినచో
ఇతరుల కెంతగ హితములు చేసిన నెవ్వరు మెచ్చక యుండినచో
కుతుకము మీరగ మంచిచేసినను కూడని నిందలు వచ్చినచో
తెలిసీతెలియక చేసినతప్పులు తరగనిశిక్షలు వేసినచో
బలవంతులతో వైరముకలిగిన వేళ జనులు నిను విడచినచో
తలచినచో శ్రీరాముని తాపత్రయము లుడుగునని తెలియనిచో
కలిలో శ్రీహరిస్మరణమె ముక్తికి కారణమన్నది తెలియనిచో
